Fararstjórinn Sveinn Sigurbjarnarson er mörgum að góðu kunnur.  Hann byrjaði með rekstur á snjóbíl og fólksflutningabíl árið 1970.  Hann hefur farið ófáar ferðirnar um Ísland að hálendi og jöklum meðtöldum.  Hann er hafsjór af fróðleik og reynslu.  Hann mun rifja upp ferðir, segja okkur frá örnefnum og segja gamansögur.

Við sækjum Ísland heim!

Eitt af því mest endurnærandi sem maður gerir, er að kanna nærumhverfi sitt og átta sig á því hvað maður er ríkur.  Það þarf ekki alltaf að fara langt eða vera lengi til að ná sér í orku.

Við förum frá Egilsstöðum og höldum sem leið liggur um Möðrudalsöræfi í Mývatnssveit. Við heimsækjum ferðaþjónustubændur á Stöng og fáum hjá þeim súpu í hádeginu.  Þá ökum við niður í Kiðagil í Bárðardal og höfum viðkomu á  Fosshól við Goðafoss á leið okkar til Narfastaða í Reykjadal.  Þar fáum við dýrindis kvöldverðarhlaðborð og gistingu.
Á heimleiðinni heimsækjum við garðyrkjubændur á Hveravöllum í Reykjahverfi.  Ökum um Húsavík og Tjörnes í Ásbyrgi og nýja Dettifossveginn til baka.  Komum við í Fjallakaffi í Möðrudal áður en við höldum heim á leið.

Við komum endurnærð heim - við lofum því!

Verð:
56.600 kr. á mann
Aukagjald vegna eins manns herbergis 3.000 kr.
(Þeir sem ekki ferðast með ferðafélaga, þurfa að greiða fyrir eins manns herbergi.)

20% afsláttur fyrir eldri borgara.

Innifalið
Allur akstur, fararstjórn, 1x hádegisverður, 1x kvöldverður, gisting í tveggja manna herbergjum með baði, 1x morgunverður.

Skráning í tölvupósti eða í síma 476-1399, milli 10:00 og 12:00 alla virka daga.