Halló! Ef þú finnur ekki hentuga dagsetningu í dagatalinu hér fyrir neðan, geturðu skoðað sömu ferð hér sem er án brottfarar frá Seyðisfirði. Þar er einnig hægt að velja brottför frá Húsi handanna, Egilsstöðum og Vök Baths. Bókunarkerfið okkar bíður því miður ekki upp á að birta alla dagana saman - afsakið óþægindin!

FERÐALÝSING

Fyrsti áningarstaður okkar er Ysti-Rjúkandi, fallegur foss á Jökuldal sem er rétt við þjóðveginn. Þar röltum upp að fossinum sem er auðveld og stutt ganga. Að því loknu getum við ekki beðið lengur og drífum okkur upp í Stuðlagil.
 
Lengst upp á Jökuldal finnum við gilið fræga sem á engann sinn líka. Gilið er margrómað fyrir sína gríðarlegu stuðla og blágrænt vatnið sem liðast niður dalinn. Við förum austan megin við ána og löbbum í um hálftíma þar til við komum að gilinu. Heildartími á svæðinu er í kringum 2-3 tímar sem gefur okkur nægan tíma til þess að njóta augnabliksins, taka myndir og gæða okkur á nesti. Mestan part sumarsins er vatnið í ánni blágrænt en í ágúst, fer eftir tíðarfari, þá blandast jökulvatn við ána og liturinn verður grábrúnn.
 
Eftir langan dag á ferðalagi endum við daginn í Vök Baths sem er einstakur baðstaður við Urriðavatn rétt fyrir utan Egilsstaði. Þar látum við þreytuna líða úr okkur í heitu vatninu, buslum í fyrstu og einu fljótandi laugum landsins, skellum okkur í gufubað og fáum okkur drykk á laugarbarnum. Þá er einnig hægt að njóta veitinga á Vök Bistro, með útsýni yfir vatnið og slakandi andrúmsloft.
 
Staðir: Ysti-Rúkandi - Stuðlagil - Vök Baths
Tími: 6-7 klst.
Erfiðleikastig: Létt
Brottför eftir að búið er að ná í alla: 09:00 

Vinsamlegast athugið að brottför 3. og 5. júlí er kl 13:00, ekki 09:00. Brottför á mætingarstöðum þá daga er sem hér segir: 12:15 (The Filling Station / Seyðisfjörður Food Coop), 12:45 (Hús handanna), 12:50 (Egilsstaðaflugvöllur) og 12:55 (Vök Baths).

Brottfararstaðir:
08:15 - The Filling Station - Seyðisfjörður Food Coop - sjá kort

08:45 - Hús handanna, Miðvangur, 700 Egilsstaðir - sjá kort
 
08:50 - Egilsstaðaflugvöllur - sjá kort
 
08:55 - Vök Baths - sjá kort
​
ÁBENDING! Ef þið eruð á eigin bíl er sniðugt að velja Vök Baths sem brottfararstað, þannig getið þið verið eins lengi og þið viljið í Vök eftir að ferðinni er lokið.

Innifalið:
Leiðsögn á ensku og íslensku
Aðgangur að Vök Baths
 
Taka með:

• Góða gönguskó
• Lítinn bakpoka
• Föt eftir veðri
• Nesti
• Vatnsflösku
• Sundföt

 
Annað:

• Börn þurfa að vera í fylgd með fullorðnum

 
Gott að vita:
Stuðlagil er mjög fallegt en líka hættulegt ef maður gleymir sér. Fylgið leiðsögumanninum í einu og öllu sem sagt er.

---