Blágil 

Íslenska sumarnóttin er án efa eitt það magnaðasta sem hægt er að upplifa í lífinu. Hljóðið er öðruvísi og lyktin er ógleymanleg.

​Í þessu andrúmslofti munum við ganga um þetta frábæra svæði og skoða hinn litríka gimstein, Blágilsgljúfur. Blágil er sannarlega falin perla á *AUSTURLANDI, í fornu eldfjalli, tignarlegt og fallegt.

Í suðurhluta Breiðdals myndast skál þar sem ofboðslegur hiti hefur umbreytt berginu svo mikið að basaltið og andestítið er orðið fölgrænt og því erfitt að greina þau frá líparítinu.

Við hittumst í Breiðdal þar sem við hefjum gönguna, klukkan 20:00.

Hækkun:   400 m. 
Fjöldi km:  9 
Erfiðleikastig ferðar:  2/5 ​

Gengið er með minni hópa, 10-20 manns.

Innifalið í verði: Fjallaleiðsögn.

Fjallaleiðsögumaðurinn

Fjallaleiðsögumaðurinn er Skúli Júlíusson, sem hefur stundað fjallgöngur á Austurlandi og um allt Ísland frá unga aldri. Hann unir sér hvergi betur en úti í náttúrunni, hvort heldur sem er skíðandi eða gangandi og notar hann allt árið til útivistar og útilegu. Hann hefur skrifað tvær bækur um gönguleiðir á Austurlandi, þær heita "101 Austurland, tindar og toppar" og "101 Austurland, göngurleiðir fyrir alla". 

---

---